काकडी , मिरची व लिंबाचा सरबत ( cucumber chili lemon juice )recipe in marathi

 

साहित्य  :

लिंबू  -  10 ते 12

साखर  - 1 वाटी

काकडी - अर्धी ( लहान कोवळी )

मीठ  - 1 चमचा

लाल सुकी मिरची -  1 चमचा ( बारीक वाटून )

बर्फ - 4 ते 5 तुकडे 

कृती :

सर्व लिंब कापून घ्या व एका भांड्यात त्यांचा सर काढून घ्या . एका कढईत एक वाटी पाणी गरम करायला ठेवा . पाणी गरम झाल्यानंतर त्यात एक वाटी साखर टाकुन घ्या . व थोडे-थोडे ढवळून साखर वितळवून घ्या . साखर वितळल्यानंतर ज्योत बंद करून मिश्रण थंड होऊ द्या . मग त्यात लिंबांचा रस घालून मिश्रण ढवळून घ्या . हे मिश्रण फ्रीजमध्ये 15 ते 20 दिवस चांगले राहील .

अर्धी काकडी आवश्यकतेनुसार पाणी घालून मिक्सरला लावून बारीक वाटून घ्या . एका ग्लासमध्ये एक मोठा चमचाभर तयार केलेले लिंबू व साखरेचे मिश्रण घालून त्यात एक चमचा मीठ, एक चमचा लाल मिरची पावडर व बर्फ घालून ढवळून घ्या . मग त्यात काकडीचे मिश्रण घालून ढवळून घ्या .

काकडी , मिरची व लिंबाचा सरबत पिण्यासाठी तयार...